sábado, 30 de novembro de 2013

Australia por David e Sebi

Foto sacada de http://www.absolutaustralia.com
Boas! 

Somos Eusebio Leal e David Romero, da optativa de informática, e da clase de 4ºA. Eliximos como destino da nosa viaxe un lugar bastante curioso, Australia, curioso porque á vez que é un país, tamén é un continente (Oceanía). Parécenos un lugar idóneo para as nosas caras vacacións e cunha gran variedade de actividades que facer debido ao gran contraste de deserto-selva-costa.

Teñen unha temperatura media moi cómoda, poderemos ir en pantalóns curtos e con sandalias todo o día. É un país bastantes extenso, pero a poboación está agrupada na costa, que en parte, é a nosa zona preferida. Sindey será o destino no que pasemos máis tempo e onde gastaremos máis diñeiro.

Foto sacada de http://www.placesonline.es

Foto sacada de http://www.viajejet.com/opera-de-sidney/

Non temos pensado regresar desta viaxe sen antes bucear na gran barreira de coral, darlle de comer a un canguro e visitar a Ópera de Sidney.
Gran barrera de Coral.Foto cedida por Uxío Malvido
Gran barrera de Coral.Foto cedida por Uxío Malvido

Seguiremos en contacto con vós, contando a nosa gran viaxe e as curiosidades que vaiamos descubrindo sobre este país.

venres, 29 de novembro de 2013

E se fóramos a Canadá?


Ola xente,

Somos Tami e Ceci e, como ámbalas dúas escollemos de optativa informática, e hoxe non funciona internet (e cando funciona, vai lento), pois nos puxemos a facer esta entrada para o Blog.

Este ano nos deron un tema a tratar, como ben di o título do blog, "Viaxes reais, viaxes imaxinadas".




Nós eliximos Canadá. Non temos ningún motivo en concreto, só que quedaba pouco tempo e tíñamos que escoller rápido. Vale, non, escollemos este país porque nos pareceu atractivo, as dúas nos gusta, temos visto en "Google Imaxes" fotografías do lugar, e é bonito á par que impresionante.

D3s panorama.  ISO 10000  (ID? Upper Canada Village is a heritage park)
Foto de Jazmin Million

Ela, Tamara, xa ten un pouco de experiencia co tema de Canadá xa que o curso pasado fixo un traballo sobre este país para sociais, e eu so o teño visto en series de televisión. Pero cun pouco de interese e adicación, de seguro que daremos feito algo un pouco decente.

mércores, 27 de novembro de 2013

Os guapos de Mónaco: Imoooos



Ola a tod@s, aquí Carlos, Rodrigo e Sergio de 4ºB:


Como destino da nosa viaxe imaxinaria, imos ir dez días a Mónaco. Este país ten unha poboación maioritariamente adinerada e coma nos somos ricos...! Hai moitos lugares de interese: un precioso circuito urbán de F1, no que imos presenciar unha carreira; un campo de fútbol onde xoga o AS Mónaco, no que imos ver un partido de fútbol e ir o famoso Casino de Montecarlo. En Mónaco hai unha preciosísima paisaxe, contamos cunhas maravillosas praias e fermosa vexetación. 

 
Estamos impacientes por visitar os diferentes museos monegascos, visitar o pazo do Príncipe e asistir a unha ópera.



Aproveitando a viaxe a Mónaco, imos coller un barco para ir uns días a Malta, e visitar algunhas das numerosas catedrais e igrexas situadas na súa capital: A Valeta.

                                                          
Imoooooooooooooooooooos!!!!

O noso destino, Dubai.

  DUBÁI




Ola a tod@s!
Somos tres rapazas: Noelia, Carla e Alicia de 15 anos pertencentes a un grupo de 4º da ESO.
Temos pensado facer unha viaxe inesquecible e moi divertida. Visitaremos Dubái, un dos sete Emiratos Árabes Unidos, no continente asiático. 

A razón pola cal nós eliximos este fermoso e moderno país é porque temos especial interese pola súa cultura, gastronomía (mezze e hummus entre outros), arquitectura (Burj Khalifa) e os deportes (sandboarding,...) que alí se practican.
Aínda que temos moitas ganas de iniciar esta viaxe, temos certo reparo xa que somos turistas e descoñecemos moitos dos seus costumes. Por outra banda, como mulleres que somos, estamos interesadas en contrastar a situación deste colectivo nese país.

Por agora nos despedimos pero xa vos seguiremos contando!


Dubai Timelapse from dimid on Vimeo.

martes, 26 de novembro de 2013

Imos a Alaska!!


Imaxe sacada do libro: Espectacular Alaska  de Ch.Wohlforth de editorial Könemann
Ola, somos Marisé López e María Sánchez, e imos visitar un dos lugares con máis reservas naturais do mundo: Alaska.

Eliximos Alaska pola magnifica diversidade de fauna e flora, ademais de, como non, as auroras boreais que teñen lugar no norte e centro deste estado arredor dos meses de novembro e xaneiro, a época na que as temperaturas son máis extremas. Tamén nos decantamos por el, debido ao paisaxe branco e á neve que aquí tanto escasea.
Para esta viaxe, necesitaremos moita roupa de abrigo e unha gran cámara de fotos. Quereríamos viaxar en avioneta, en trineo tirado por huskis, e por suposto, ir en barco por certos ríos e mares observando os grandes icebergs, esperemos que non nos pase o mesmo que ao titanic.

maxe sacada do libro: Espectacular Alaska  de Ch.Wohlforth de editorial Könemann

Para aprender algo sobre a súa cultura estaría ben ver a obra de teatro Cry of the Wild Man ou asistir a algún baile de orixe ruso como o Sitka, pero en Salceda vai ser complicado. Ímonos ter que conformar con ver algún capítulo da serie "Doctor en Alaska".

domingo, 17 de novembro de 2013

Como coñecimos Estados Unidos!


Moi boas!

Nós con ganas de viaxar xa!
Que mellor inicio que presentándonos así que... alá imos! Somos: Iria Pérez (4ºA), Laura Abalde (4ºA) e Andrea Vaqueiro (4ºB).

Pensamos en irnos de viaxe, tomar un mes sabático, e pasar unhas marabillosas vacacións xuntas, por iso eliximos un maxestoso destino onde poderemos facer realidade moitos soños desexados e vivir unha experiencia inesquecible. E que mellor destino que... ESTADOS UNIDOS!

Visitaremos New York e California.
Por que eliximos este inmenso país? Pois simplemente porque nos ofrece millóns de aventuras que facer, ademais, é uns dos nosos soños pisar as terras estadounidenses. Visitaremos varios estados, por iso vai ser... LEXEN..DARIO!
Iremos a New York e California (tamén temos a idea de pasarnos uns días polo estado de Montana coa fin de visitar o Parque Nacional de Yellowstone, o famoso parque dos debuxos animados do oso Yogui, pero aínda non está claro). Será unha viaxe do máis movidiña xa que a nosa lista de "Cousas que facer en EEUU" é inmensa.

Un dos principais motivos desta viaxe é a finalidade deportiva. Buscamos deportes típicos do país, como é o béisbol, baloncesto ou o surf na costa; e tamén deportes atípicos, de risco, como o paracaidismo, pontismo ou un pequeno viaxe en globo aerostático.
Irémonos de visita polos lugares máis representativos da zona de Los Ángeles e de New York.

Seguirémosvos informando das nosas aventuras pola zona norteamericana. Non volo perdades!

Un saúdo e ata próxima :)

sábado, 16 de novembro de 2013

Destino "Nihon"

こんにちは!

Somos Isa, Bárbara e Abraham e imos presentar a Terra do Sol Nacente, tamén coñecida como Xapón.

Isa, Bárbara e Abraham
Eu, Isa (á esquerda), elexín o Estado Nipón porque me parece un país moi avanzado respecto ao resto do mundo e me resulta curioso o seu modo de vida e o diferentes que son comparados cos occidentais.
Eu, Bárbara (no centro), escollín este país porque me fascina a cultura xaponesa, sobre todo o manga e o anime debido a que a mín tamén me gusta debuxar esta rama da arte e, segundo os meus amigos, dáseme bastante ben!
E por último, eu, Abraham (á dereita), elexín Xapón obrigado por estas rapazas, aínda que podería ter sido peor porque adoro a extravagancia coa que se visten e peitean moitos dos adolescentes xaponeses.
さようなら!

venres, 15 de novembro de 2013

Destino: Rusia




Ola, somos Ainhoa Castro, David González e Lara Burgo, alumnos de 16, 17 e 15 anos. Imos  realizar unha viaxe de 15 días a Rusia, xa que é un país moi extenso, con moitos lugares que coñecer.

Eliximos Rusia por ser un dos destinos por excelencia nestes últimos anos. Impresionáronnos as súas grandes estruturas e a gran cantidade de monumentos, con moita cor a pesar de ser un lugar moi frío, temos moitas ganas de poder contemplalos e fotografalos xa que nos apaixona a fotografía. Somos uns amantes ademais dos deportes de inverno. Apetécennos moito probar cousas novas por iso temos ganas de poder coñecer a cultura, as tradicións e a comida rusa.

David-Lara-Ainhoa. Foto no aeroporto.(Foto orixinal: Kire Kyuketsuki )
Por outra parte é a nosa primeira viaxe solos polo que temos algo de medo xa que é un país que está moi lonxe ademais de ser perigoso, cunha lingua que descoñecemos... pero así demostraremos que podemos valernos por nós mesmos. Todo quedará nunha gran experiencia que nunca esqueceremos, e para asegurarnos diso imos facer aquí noso diario de viaxe.
Polo que si queredes saber un pouquiño mais do pais que imos visitar, e sobre a nosas experiencias da viaxe...  Esperar a nosa seguinte entrada.
Na que falaremos da nosa chegada e da primeira impresión.

Así que, como dirían en Rusia: Счастливого пути! (Boa viaxe!)


 

venres, 8 de novembro de 2013

Australia O Último Continente



Grupo Os Koalas

Ola somos o grupo os koalas. Somos uns alumnos de  4ºESO do Instituto Pedras Rubias de Salceda de Caselas e o noso grupo está integrado por :  
Líder : Jorge  Manuel  González  Ríos  
Man dereita : Pablo Augusto Rodríguez Feerick e Man esquerda:  Christian Lamas Cabaleiro.

Imos ir de viaxe a un continente moi afastado e autenticamente excitante en todos os sentidos:Oceanía e, en particular, vamos visitar Australia.                                                                                                                                       
                                                                                              Integrantes do grupo os koalas
Xardíns Botánicos de Sydney
O NOSO SOÑO É MIRAR A NEMO
Escollemos este país porque hai moitos animais espectaculares como poden ser os canguros e koalas. E aparte polo rugby porque nunca vimos un partido dese deporte e sería interesante ir a un partido. 

xoves, 7 de novembro de 2013

Botamos a andar!

Benvidos!

Somos 34 alumnos e alumnas da materia de Informática de 4º ESO do IES Pedras Rubias, na localidade pontevedresa de Salceda de Caselas.
Repartidos en dous grupos, imos emprender un proxecto compartindo o lema escollido pola nosa Biblioteca Escolar para o presente curso, "Viaxes reais e viaxes imaxinadas". Na parte correspondente á viaxe imaxinada, aplicaremos os coñecementos adquiridos nas clases para planificar en pequeno grupo, parellas no grupo menos numeroso e tríos no que estamos a maioría, unha viaxe ao noso destino ideal.
Na parte da viaxe real, esperamos compartir con todos vós o caderno de bitácora da nosa excursión de fin de curso.

Como toda viaxe ten un comezo, hoxe emprendemos a ruta neste blog que dará conta da aprendizaxe e dos descubrimentos que iremos facendo ao longo destes meses, gustaríavos acompañarnos? 
De esquerda á dereita: Crhistian, Pablo, Jorge, Jose, Ainhoa, Rodrigo, Carlos, Noelia, Alicia, Sandra, Carla, Fred, Laura Fernández, Laura Abalde, Abraham, Iria, Brais, Andrea, David, Isabel, Lara, Diego, Bárbara e Sergio

De esquerda á dereita: Rubén, Kevin, María, Eusebio (Sebi), Tamara, Cecilia, David Romero, Marisé (diante), Christofer e Javi.